Skip to Navigation Skip to Main Content Contact us
Skip to Navigation Skip to Main Content Contact us
  • ദീർഘകാല വാല്യു ഫണ്ടുമായി പി പി എഫ് എ എസ് മ്യൂച്വൽ ഫണ്ട്

    Mr. Parag Parikh's interview by Businessonlive.com, March 17, 2015

       read ( words)

    ദീർഘകാല വാല്യു ഫണ്ടുമായി പി പി എഫ് എ എസ് മ്യൂച്വൽ ഫണ്ട്

    കൊച്ചി : ദീർഘകാല നിക്ഷേപകർക്കായി പി പി എഫ് എ എസ് (പരഗ് പരീഖ് ഫിനാൻഷ്യൽ അഡൈ്വസറി സർവീസ്) പുതു തലമുറ വാല്യു ഫണ്ട് അവതരിപ്പിച്ചു. കുറഞ്ഞത് അഞ്ച് വർഷ കാലയളവ് കാലത്തേക്കെങ്കിലും നിക്ഷേപിക്കുന്നവർക്കാണ് പി പി എഫ് എ എസ് മ്യൂച്വൽ ഫണ്ടിൽ നിക്ഷേപിക്കാൻ അവസരമുള്ളത്. പ്രവാസികൾ ഉൾപ്പെടെയുള്ള ദക്ഷിണേന്ത്യയിൽ നിന്നുള്ള നിക്ഷേപകർ ദീർഘകാല നിക്ഷേപത്തിൽ താൽപ്പര്യമുള്ളവരാണെന്ന് സ്‌റ്റോക്ക് മാർക്കറ്റ് രംഗത്ത് മൂന്ന് പതിറ്റാണ്ടുകളുടെ പരിചയമുള്ള പരഗ് പരീഖ് പറഞ്ഞു.

    പി പി എഫ് എ എസ് ദീർഘകാല വാല്യു ഫണ്ടിൽ ഒരു ഇക്വിറ്റി പദ്ധതി മാത്രമാകും ഉണ്ടാവുക. അതിർവരമ്പുകളില്ലാതെ അന്താരാഷ്ട്ര സ്‌റ്റോക്കിൽ ഉൾപ്പെടെ നിക്ഷേപിക്കാം എന്നതാണ് പി പി എഫ് എ എസ് വാല്യു ഫണ്ടിന്റെ പ്രത്യേകത. ഈ പദ്ധതിക്കുള്ളിൽ നിന്ന് കൊണ്ട് തന്നെ ബൈ ബാക്‌സ് ഉൾപ്പെടെയുള്ള ചില സവിശേഷ സാഹചര്യങ്ങളുടെ ആനുകൂല്യം നിക്ഷേപകർക്ക് ലഭിക്കുമെന്നതിനാൽ മറ്റ് ഇക്വിറ്റി പദ്ധതികളുടെ ആവശ്യവുമില്ല. പ്രമോട്ടർമാർ, ഡയറക്ടർമാർ, ഫണ്ട് മാനേജർമാർ, ജീവനക്കാർ തുടങ്ങിയവർ ഇതിനോടകം തന്നെ പി പി എഫ് എ എസ് ദീർഘകാല വാല്യു ഫണ്ടിൽ നിക്ഷേപിച്ച് കഴിഞ്ഞു. ആകെ നിക്ഷേപത്തിന്റെ 9 ശതമാനം വരുന്ന ഈ തുകയുടെ വിശദാംശങ്ങൾ എല്ലാ മാസവും കമ്പനിയുടെ വെബ്‌സൈറ്റിൽ പരസ്യപ്പെടുത്തുന്നുണ്ട്. ഇത്തരം നിക്ഷേപങ്ങളും പരസ്യപ്പെടുത്തലുകളും പി പി എഫ് എ എസ് ന്റെ വിശ്വാസ്യത വർധിപ്പിക്കുന്നു.

    പി പി എഫ് എ എസ് ദീർഘകാല വാല്യു ഫണ്ടിൽ ഗ്രോത്ത് ഓപ്ഷൻ മാത്രമാണ് നിക്ഷേപകർക്ക് നൽകുന്നത്. കഴിഞ്ഞ വർഷം വാർഷിക ജനറൽ മീറ്റിങ്ങുകളുടെ ശൃംഖല തന്നെ സംഘടിപ്പിച്ച ആദ്യ ഇന്ത്യൻ മ്യൂച്വൽ ഫണ്ടാണ് പി പി എഫ് എ എസ്. സംശയങ്ങൾക്കും ആശങ്കകൾക്കും വ്യക്തമായ മറുപടി നൽകുന്നതിനാൽ സത്യസന്ധമായ പ്രവർത്തനം കാഴ്ച്ച വെയ്ക്കാൻ പി പി എഫ് എ എസ് നു കഴിഞ്ഞിട്ടുണ്ട്.

    സാധാരണ മ്യൂച്വൽ ഫണ്ടുകളിൽ നിന്നും വ്യത്യസ്തമാണെന്ന് പറയുക മാത്രമല്ല, ദീർഘകാല നിക്ഷേപകർക്ക് അത് ബോധ്യപ്പെടുത്തികൊടുക്കാനും അവർക്ക് അവിശ്വസനീയമായ നേട്ടം ഉണ്ടാക്കി കൊടുക്കാനും പി പി എഫ് എ എസ് ന് കഴിഞ്ഞിട്ടുണ്ട്. ചെന്നൈയിലും ബാംഗലുരുവിലും ലഭിച്ച സ്വീകാര്യതയാണ് കേരളത്തിലും പി പി എഫ് എ എസ് ദീർഘകാല വാല്യൂ ഫണ്ട് വ്യാപകമാക്കാൻ പ്രേരിപ്പിച്ചതെന്നും പരഗ് പരീഖ് പറഞ്ഞു.

    The original article could be seen here.

    comments powered by Disqus

    Mutual Fund investments are subject to market risks, read all scheme related documents carefully.
    © 2019 PPFAS Asset Management Private Limited. All rights reserved.
    Sponsor: Parag Parikh Financial Advisory Services Private Limited. [CIN: U67190MH1992PTC068970], Trustee: PPFAS Trustee Company Private Limited. [CIN: U65100MH2011PTC221203], Investment Manager (AMC): PPFAS Asset Management Private Limited. [CIN: U65100MH2011PTC220623]